Ceisteanna coitianta

Is seirbhís aitheantais ar líne é MyGovID trína bhféadfaidh custaiméirí teacht ar sheirbhísí Rialtais ar líne ar bhealach slán sábháilte. Is féidir le custaiméirí a bhfuil cuntais fhíoraithe MyGovID acu iarratas céaduaire nó athnuachan do dhuine fásta a dhéanamh tríd an tseirbhís seo a úsáid.

Is féidir teacht ar shonraí maidir le conas cuntas fíoraithe a fháil ar shuíomh MyGovID.

Is bealach iomlán roghnach é iarratas ar líne a dhéanamh trí chuntas fíoraithe MyGovID a úsáid. Má tá cuntas fíoraithe MyGovID agat, cuntas neamhfhíoraithe MyGovID agat nó mura bhfuil aon chuntas MyGovID agat, is féidir leanúint le hiarratas a dhéanamh trí Pas Ar Líne.

Má chinneann tú go n‑úsáidfidh tú cuntas MyGovID agus iarratas céaduaire nó athnuachan do dhuine fásta á dhéanamh agat trí Pas Ar Líne, cuirfear sonraí pearsanta ineagarthóireachta agus neamheagarthóireachta ann roimh ré ag MyGovID le linn an phróisis iarratais. Cinntigh go bhfuil do shonraí pearsanta ineagarthóireachta ceart.

Áirítear sna sonraí pearsanta seo:

• Céad Ainm
• Sloinne
• Inscne
• Dáta breithe
• Sloinne Breithe do Mháthar
• Uimhir PSP

Tabhair faoi deara nach bhfuil an tseirbhís seo ar fáil ach do chustaiméirí atá 18 mbliana d’aois nó níos sine a bhfuil cuntas fíoraithe MyGovID acu. Má tá cuntas fíoraithe MyGovID agat agus má tá tú níos óige ná 18 mbliana, atreorófar d’iarratas chuig an ngnáthsheirbhís Pas Ar Líne.

Is é Pas Ar Líne an bealach is tapúla do shaoránaigh Éireannacha iarratas a dhéanamh ar phas.

Déan iarratas ar do phas nó ar do phaschárta nó ar phas nó paschárta do linbh ó áit ar bith ar domhan, ar fhón cliste, táibléad nó ríomhaire pearsanta.

Tá an tseirbhís shábháilte agus áisiúil seo ar fáil 24 uair an chloig sa lá, 7 lá sa tseachtain, 365 lá sa bhliain. Próiseálfar iarratais laistigh de na hamanna próiseála reatha. Más gá duit doiciméid a chur isteach, ní thosóidh an t-am próiseála go dtí go bhfaighimid iad.

C. Eisíodh mo phas níos mó ná 15 bliana ó shin. An bhfuil mé incháilithe chun an tSeirbhís Pas ar Líne a úsáid?

Tá, is féidir leat iarratas a dhéanamh ar líne.

Meastar gurb iarratasóir céaduaire thú má eisíodh an pas is déanaí atá agat níos mó ná 15 bliana déag ó shin. Le linn d’iarratas a dhéanamh, roghnaigh níor eisíodh nuair a fhiafrófar díot an eisíodh an pas is déanaí atá agat níos lú ná 15 bliana déag ó shin.

C. Eisíodh mo phas in 2005 nó roimh 2005, tosaíonn sé le S agus tá 6 dhigit ann. An féidir liom an tSeirbhís Pas ar Líne a úsáid?

Tá, is féidir leat iarratas a dhéanamh ar líne.

Meastar gur iarratasóir céaduaire thú más rud é nach pas bithmhéadrach é an pas is déanaí atá agat. Bíonn 2 litir agus 7 n-uimhir ina ndiaidh in uimhreacha an leabhair pas bhithmhéadraigh agus ní mór ‘P’ nó ‘L’ a bheith ina céad litir (mar shampla, ‘PT’ nó ‘LB’).

Má thosaíonn an pas is déanaí atá agat le S agus má tá 6 dhigit ann, déan iarratas mar iarratasóir céaduaire. Le linn d’iarratas a dhéanamh, roghnaigh níor eisíodh nuair a fhiafrófar díot an eisíodh an pas is déanaí atá agat níos lú ná 15 bliana déag ó shin.

Ní mór duit doiciméid a chur isteach chuig Seirbhís na bPasanna chun tacú le d’iarratas. Tabharfar eolas duit roimh dheireadh an phróisis faoi na doiciméid ba cheart a chur ar fáil.

Teastóidh na rudaí seo a leanas uait:

• Do phas reatha,
• Grianghraf digiteach,
• Seoladh ríomhphoist
• Cárta creidmheasa/dochair

Rochtain ar phrintéir sna cásanna seo a leanas:

• Iarratasóirí céaduaire
• Iarratas ar phas do leanbh
• Má eisíodh do phas níos mó ná 15 bliana ó shin
• Má tá do phas caillte nó goidte

Inseoidh an t-iarratas ar líne faoi aon doiciméad eile a bhféadfadh gá a bheith leo chun iad a chur isteach. Is féidir tuilleadh eolais a fháil anseo maidir le doiciméid bhreise.

C. Cén fhad a thógfaidh sé an fhoirm iarratais ar líne a chomhlánú?

Tógfaidh an t-iarratas ar líne thart ar 10 nóiméad. Déan cinnte go bhfuil do ghrianghraf digiteach nó cód grianghraf réidh le huaslódáil agat.

C. An gcaithfidh ball den Gharda Síochána nó finné iomchuí m’aitheantas a dheimhniú?

Más duine fásta thú a bhfuil do phas á athnuachan agat ní gá do bhall den Gharda Síochána do chéannacht a fhíorú.

Is gá d’iarratasóirí céaduaire go ndéanfadh ball den Gharda Síochána in Éirinn nó ​​finné iomchuí lasmuigh den Stát, céannacht na n-iarratasóirí sin a fhíorú.

Inseofar ar an bhfoirm fíoraithe céannachta cén finné atá de dhíth.

C. Cén chaoi a n-íocfaidh mé as?

Ní mór duit íoc le cárta dochair nó creidmheasa. Glactar freisin le cártaí creidmheasa réamhíoctha. Glactar faoi láthair le cártaí Visa, MasterCard, Diners Club International agus American Express.

C. Cá bhfaighidh mé admháil?

Tabharfar admháil duit ar an leathanach a dheimhneoidh d’iarratas agus féadfaidh tú é a phriontáil amach duit féin. Gheobhaidh tú ríomhphost freisin ag deimhniú gur cuireadh d’iarratas isteach.

C. Cad a tharlaíonn má bhíonn deacracht ann tar éis dom m’iarratas ar líne a chur isteach?

Seolfaimid ríomhphost duit má thagann aon deacracht chun cinn. Seiceáil d’fhillteán turscair nó dramhaíola le haghaidh ríomhphost.

Mura bhfuilimid in ann d’iarratas ar líne a phróiseáil, cuirfimid ar ceal é. Aisíocfar aon airgead a d’íoc tú. Aisíocfar an t‑airgead seo sa mhodh íocaíochta bunaidh.

C. Cén fhad a thógfaidh sé tar éis dom m’iarratas a chur isteach ar líne go bhfaighidh mé mo phas nua?

Tá eolas faoi na hamanna próiseála reatha maidir le hiarratais ar phas ar fáil anseo.

Ní áirítear an t-achar a thógfaidh an postas sna tréimhsí próiseála.

Is gá d’iarratasóirí áirithe doiciméid bhreise a chur isteach. Más gá duit é sin a dhéanamh, tosaíonn an t-aga próiseála ón uair a bhfaighimid na doiciméid sin. Tá sé tábhachtach go gcuirtear gach doiciméad isteach chomh luath agus is féidir ionas gur féidir linn do phas a eisiúint.

C. Fuair mé ríomhphost soiléirithe agus sheol mé mo fhreagra isteach. Cén fhad eile a thógfaidh sé m’iarratas a phróiseáil?

Má tá an deacracht réitithe tógfaidh sé thart ar 5-10 lá oibre chun an t-iarratas a phróiseáil arís.

C. An gcloíonn ‘Pas ar Líne’ le caighdeáin inrochtaineachta gréasáin?

Is é is aidhm do ‘Pas ar Líne’ cloí le Leibhéal A-Dhúbailte de na Treoirlínte maidir le hInrochtaineacht Ábhair ar an nGréasán ó W3C.

Ní féidir leat pas éigeandála/sealadach a fháil trí Pas Ar Líne a úsáid.

Más gá duit taisteal go práinneach, inis dúinn trínár Mol Seirbhíse do Chustaiméirí.

Má tá tú i dó chónaí thar lear, téigh i dteagmháil le d’Ambasáid áitiúil na hÉireann.

Is é Pas Ar Líne an bealach is tapúla chun do phas a athnuachan. Féach ar ár n-amanna comhlánaithe reatha.

C. An gcaithfidh mé cáipéisí a chur ar fáil chun tacú le m’iarratas?

Ní bhíonn aon doiciméad ag teastáil chun formhór na bpasanna do dhaoine fásta a athnuachan. Is gá d’iarratasóirí céaduaire Leathanach Clúdaigh Iarratais sa bhreis a phriontáil. Beidh gá le doiciméid bhreise maidir le hiarratais áirithe do dhuine fásta (amhail pasanna caillte).

Le haghaidh iarratais do leanaí caithfidh tú an Fhoirm Toilithe agus Aitheantais do Phas Linbh a phriontáil. Caithfear an fhoirm sin a fhianú agus a chur isteach chuig Seirbhís na bPasanna. Tá tuilleadh eolais ar fáil anseo.

Cuirfear in iúl duit go luath sa phróiseas má theastaíonn cáipéisí tacaíochta ó d’iarratas. Tá tuilleadh eolais ar fáil anseo.

C. An gcaithfidh mé mo phas reatha a sheoladh ar ais chuig Seirbhís na bPasanna?

Má tá do leabhar pas reatha bailí ar feadh níos mó ná 12 mhí, ní mór duit é a chur isteach. Má tá leabhar pas do linbh bailí ar feadh níos mó ná 6 mhí, ní mór duit é a chur isteach.

Inseoimid duit cad ba cheart a dhéanamh le linn an phróisis iarratais.

C. Cá seolfaidh mé mo cháipéisí?

Nuair a bheidh d’iarratas ar líne críochnaithe agat, priontálfaidh tú Leathanach Clúdaigh Iarratais. Inseofar air seo cén áit ar cheart duit do dhoiciméid a sheoladh.

Molaimid go n-úsáidfeá modh postais slán lena chinntiú go bhfaigheann Seirbhís na bPasanna do chuid cáipéisí.

Má tá tú i do chónaí in Éirinn, cruthófar lipéad postais. Ba cheart duit an lipéad sin a phriontáil agus é a ghreamú ar an gclúdach litreach ina bhfuil do dhoiciméid. Ní mór an clúdach litreach a chur sa phost chuig Seirbhís na bPasanna.

Tabhair faoi deara: Ní féidir ach cáipéisí le haghaidh aon iarratas amháin a chur i ngach clúdach litreach.

Má tá tú i do chónaí i dTuaisceart Éireann, sa Ríocht Aontaithe nó in áit éigin eile, úsáid modh postais slán.

I gcás tíortha áirithe, níl na seirbhísí poist áitiúla iontaofa. I gcás mar seo, cuirfidh tú do dhoiciméid faoi bhráid na hAmbasáide Éireannaí is gaire duit. Déanfaidh siad iad a sheachadadh go sábháilte chuig Seirbhís na bPasanna. Inseofar ar an gcóras iarratas ar líne más gá duit é seo a dhéanamh.

C. An bpróiseálfar m’iarratas gan aon cháipéisí (má theastaíonn siad mar chuid den phróiseas iarratais)?

Ní phróiseálfar. Iarrfaidh Seirbhís na bPasanna doiciméid. Ní féidir linn an t-iarratas a phróiseáil go dtí go gcuirfidh tú na doiciméid seo isteach. Ní áirítear leis ham próiseála an t-achar a thógfaidh sé duit na doiciméid a chur isteach.

Ba cheart duit tréimhsí poist a chur san áireamh nuair atá na hamanna eisiúna foriomlána á ríomh chun d’iarratas a phróiseáil.

Ní áirítear leis na hamanna próiseála ach an oiread an t-achar a thógann sé do do phas a sheachadadh nuair a phriontáiltear é.

C. Fuair mé mo leabhar pas ach cén fáth nach bhfuair mé mo cháipéisí bunaidh ar ais?

Má sholáthair tú cáipéisí bunaidh chun tacú le d’iarratas seolfar ar ais chugat iad astu féin ó do leabhar nua pas.

C. Fuair mé mo phas nua. An gcaithfidh mé an sean-phas a sheoladh ar ais anois?

Ní chaithfidh, a luaithe is a bheidh do phas nua faighte agat, ní gá duit do shean-phas a sheoladh ar ais.

C. Cén chaoi a bhfaighidh mé mo phas nua?

Má tá tú i do chónaí in Éirinn, is le Seirbhís na bPasanna Poista sheachadfar do phas agus ní gá síniú.

Má tá tú i do chónaí lasmuigh d’Éirinn, seolfar do phas chugat tríd an bpost cláraithe agus beidh ort é a shíniú nuair a bhfaigheann tú é. Ba cheart duit seoladh seachadta i rith an lae a thabhairt mura mbíonn tú sa bhaile le linn an lae.

I gcás nach bhfuil seirbhís poist iontaofa ar fáil, seachadfaimid do phas trí líonra Ambasáidí agus Consalachtaí dár gcuid. Má d’íoc tú as seachadadh roimh ré (€15), ní bheidh aon táille eile sa bhreis.

Má tá an t-eolas is déanaí uait, téigh i dteagmháil le Mol na Seirbhísí do Chustaiméirí.

C. An féidir mo phas a chur sa phost chugam go hidirnáisiúnta? Cé mhéad a chosnóidh sé?

Is féidir, táimid in ann do phas a chur sa phost aon áit ar domhan. Beidh táille postais bhreise €15 i gceist le haghaidh gach iarratais. I gcás ina seoltar d’iarratas ar ais don Ambasáid áitiúil, tabharfaidh an Ambasáid eolas duit faoi na táillí postais.

C. An féidir mo phas a chur sa phost chugam in Éirinn? Cé mhéad a chosnóidh sé?

Tá an postas saor in aisce d’iarratasóirí fásta. Cosnaíonn sé €5 le haghaidh iarratais leanaí mar gheall ar na táillí postais breise a bhaineann le doiciméid amhail toiliú an chaomhnóra a chur isteach.

C. Má dhéanaim iarratas ar Leabhar Pas agus ar Chárta Pas, an bhfaighidh mé iad le chéile?

Ní bhfaighidh, seachadfar astu féin iad. Seachadfar do leabhar pas ar dtús agus sin do Chárta Pas thart ar sheachtain ina dhiaidh sin.

C. An féidir mo phas a sheoladh chuig mo sheoladh oibre?

Is féidir, seolfar do phas chuig an seoladh a chuir tú isteach ar an bhfoirm iarratais ar líne.

C. Cén fáth a bhfuil mo phas á sheoladh chuig an Ambasáid Éireannach is gaire dom?

Mar gheall ar sheirbhísí poist nach féidir brath orthu i dtíortha áirithe, d’fhéadfaí leabhair phas a sheoladh chuig an Ambasáid Éireannach is gaire duit. Rachaidh siadsan i dteagmháil leat chun bailiú nó seachadadh an phas a eagrú.

C. Cén chaoi a seolfar mo chuid cáipéisí ar ais chugam?

Seolfar cáipéisí bunaidh ar ais chugat tar éis d’iarratas a phróiseáil. Ní sheolfar fótachóipeanna de cháipéisí ar ais chugat.

Seolfar do Leabhar Pas, Paschárta (má chuir tú isteach ar chárta) agus do dhoiciméid ar ais chugat astu féin.

Má tá tú i do chónaí in Éirinn, i dTuaisceart Éireann nó sa Bhreatain Mhór, is le Seirbhís na bPasanna Poist a sheachadfar do dhoiciméid bhunaidh. Ní gá duit síniú don phas nuair a gheobhaidh tú é.

Maidir le tíortha eile an domhain, seolfar do dhoiciméid agus do phas chugat tríd an bpost cláraithe agus beidh gá le síniú nuair a gheobhaidh tú iad. Is féidir seoladh seachadta ar leith le linn an lae a chur isteach.

I gcás nach bhfuil seirbhís poist iontaofa ar fáil, seachadfaimid do phas agus do dhoiciméid trí líonra Ambasáidí agus Consalachtaí dár gcuid. Má d’íoc tú as seachadadh roimh ré (€15), ní bheidh aon táille eile sa bhreis.

C. Fuair mé mo cháipéisí bunaidh ar ais ach cén fáth nach bhfuair mé mo leabhar nua pas go fóill?

Seolfar do Leabhar Pas, Paschárta (má chuir tú isteach ar chárta) agus do dhoiciméid ar ais chugat astu féin.

I gcás nach bhfuil seirbhís poist iontaofa ar fáil, seachadfaimid do phas agus dhoiciméid trí líonra Ambasáidí agus Consalachtaí dár gcuid. Má d’íoc tú as seachadadh roimh ré (€15), ní bheidh aon táille eile sa bhreis.

Má tá an t-eolas is déanaí uait, téigh i dteagmháil le Mol na Seirbhísí do Chustaiméirí.

C. Fuair mé mo phas nua ach cén fáth nach bhfuair mé mo cháipéisí bunaidh ar ais go fóill?

I gcás inar sholáthair tú cáipéisí bunaidh chun tacú le d’iarratas seolfar ar ais chugat iad astu féin ó do phas nua.

I gcás nach bhfuil seirbhís poist iontaofa ar fáil, seachadfaimid do phas agus dhoiciméid trí líonra Ambasáidí agus Consalachtaí dár gcuid. Má d’íoc tú as seachadadh roimh ré (€15), ní bheidh aon táille eile sa bhreis.

Má tá an t-eolas is déanaí uait, téigh i dteagmháil le Mol na Seirbhísí do Chustaiméirí.

Féach ar an eolas faoi na hamanna comhlánaithe reatha le haghaidh iarratais pas.

Ní áirítear an t-am a thógfaidh an postas sna tréimhsí próiseála.

Má theastaíonn cáipéisí breise chun tacú le d’iarratas, ní thosófar ag próiseáil an iarratais go dtí go bhfaighfear na cáipéisí sin.

Is féidir, tá tú in ann dul chun cinn d’iarratais a rianú ach cliceáil anseo.

C. Tá mo chúinsí pearsanta athraithe agus is mian liom m’ainm ar mo phas a athrú. An féidir liom m’ainm ar mo phas a athrú trí Pas ar Líne a úsáid?

Is féidir. Is féidir leat d’ainm athrú tríd an tSeirbhís Pas ar Líne.

Beidh ort do phas reatha agus doiciméid tacaíochta bhreise a sheoladh sa phost chuig Seirbhís na bPasanna.

Beidh an táille iomlán le híoc as do phas nua.

Féach anseo chun tuilleadh eolais a fháil faoi athruithe ainm agus doiciméid tacaíochta riachtanacha.

C. Tá deimhniú aitheantais inscne agam. An féidir liom iarratas a dhéanamh trí Pas Ar Líne a úsáid?

Is féidir. Féach anseo chun tuilleadh eolais a fháil faoi dhoiciméid riachtanacha.

C. Ba mhaith liom tagairt a bheith taifeadta ar mo phas, an féidir liom é sin a dhéanamh trí Pas ar Líne a úsáid?

Is féidir. Is féidir, tá tú in ann tagairtí a thaifeadadh ar do phas nua ag úsáid na seirbhíse ar líne.

Is féidir d’uimhir pas roimhe seo nó d’ainm ar do theastas breithe a bheith taifeadta mar thagairt.

D’fhéadfaí go mbeidh ort doiciméid bhreise a sheoladh sa phost chuig Seirbhís na bPasanna chun tacú le d’iarratas.

Féach anseo chun tuilleadh eolais a fháil faoi thagairtí.

Is príomhthiomántas do Sheirbhís na bPasanna é seasamh le sláine an Phas Éireannaigh. Is é an Cárta Seirbhísí Poiblí an bealach is éifeachtaí d’iarratasóir chun a céannacht a fhíorú. Cinntíonn sé seo gur féidir a n-iarratas a phróiseáil go tapa.

Tá tuilleadh doiciméid fhíoraithe céannachta uainn ó na hiarratasóirí seo a leanas:

• daoine fásta a bhfuil iarratais á ndéanamh acu den chéad uair.
• daoine fásta i gcás ina bhfuil an pas is déanaí atá acu caillte nó goidte
• daoine fásta i gcás ina bhfuil an pas is déanaí atá acu in éag le breis agus 5 bliana anuas

Má tá ort do chéannacht a fhíorú agus mura gcuireann tú Cárta Seirbhísí Poiblí isteach, rachaimid i dteagmháil leat chun tuilleadh doiciméad a fháil uait.

Beidh ort aitheantas fótagrafach bunaidh a eisíodh ag an rialtas a chur isteach. D’fhéadfaí gur ceadúnas tiomána bailí nó pas bailí ó thír eile é seo. Is féidir leat bualadh isteach chuig Oifig na bPasanna i gCorcaigh nó i mBaile Átha Cliath le haghaidh agallaimh freisin. Ní mór duit coinne a dhéanamh chun teacht le haghaidh agallaimh. Tabhair 10 lá oibre chun coinne a eagrú.

Má thagann tú ar aon deacrachtaí teicniúla agus d’iarratas ar líne á dhéanamh agat, cuir ar an eolas muid trinár Mol Seirbhíse do Chustaiméirí.

Féach ar an treoir maidir le conas iarratas a dhéanamh ar phas chun an modh iarratais is oiriúnaí duitse a chinneadh.

Is bealach tapa, sábháilte agus áisiúil é Pas Ar Líne chun iarratas a dhéanamh ar do phas.

Seiceáil d’incháilíocht leis an treoir atá nasctha thuas agus déan iarratas ar líne.

Seiceáil go bhfuil do phas agus pasanna do theaghlaigh cothrom le dáta i gcónaí sula gcuireann tú saoire in áirithe. Déan iarratas 12 sheachtain ar a laghad roimh an taisteal.

Is féidir treoir a fháil anseo faoi na doiciméid a theastóidh uait le hiarratas ar pháipéar a dhéanamh.

Le haghaidh iarratais ar líne, inseofar duit cén cáipéisí a bheidh ag teastáil le haghaidh d’iarratas féin i dtreo dheireadh an phróisis iarratais.

Tá Seirbhís um Choinní Práinneacha ar fáil ag ár n-oifigí poiblí i mBaile Átha Cliath agus i gCorcaigh.

Ní mór duit coinne a dhéanamh mar aon le híocaíocht ar líne a dhéanamh sula bhféidir leat teacht chun agallaimh.

Ní féidir leat coinne a dhéanamh má tá iarratas curtha isteach agat cheana féin trí Pas Ar Líne.

Is féidir leat coinne a dhéanamh más rud é gur chuir tú iarratas isteach trí Sheirbhís na bPasanna Poist ach d’fhéadfadh sé cuid mhór ama a thógáil sula n-aisíocfar costas na n-iarratas a rinne tú trí Sheirbhís na bPasanna Poist.

Má dhéanann tú coinne agus más féidir linn a fheiceáil, nuair a bheidh tú i láthair ag an gcoinne, gur chuir tú iarratas isteach trí Pas Ar Líne freisin, cuirfimid an coinne ar ceal agus aisíocfar an íocaíocht duit nuair a bheidh tú i láthair ag an gcoinne. De ghnáth, tógann an aisíocaíocht seo 30 lá.

Déan cinnte go roghnaíonn tú an modh iarratais is fearr a oireann do do thréimhsí taistil sula ndéanann tú iarratas.

Má chuir tú d’iarratas isteach cheana féin, féadfaidh tú d’iarratas a rianú ar líne agus gheobhaidh tú meastachán ansin faoi cathain a eiseofar do phas.

Tá meán-amanna comhlánaithe cothrom le dáta ar fáil anseo. Is meán-tréimhsí próiseála iad na hamanna comhlánaithe agus ní gealltanas ar sheachadadh seirbhíse iad.

Níl na hamanna comhlánaithe ach treoir agus ní mar a chéile a bheidh siad ag brath ar leibhéal éilimh an tséasúir atá i gceist agus cúinsí eile. Is é an dáta a thugann an rianú pas an meastachán is cruinne den uair a eiseofar do phas.

Ní chuirfear dlús faoi iarratais ach amháin nuair atá éigeandáil taistil i ndáiríre ann, a chaithfear a dhéanamh de bharr báis, tinnis nó chun leasa ball teaghlaigh.

I gcás fíoréigeandála, téigh i dteagmháil le Seirbhís na bPasanna. Iarrfaidh Seirbhís na bPasanna tuilleadh eolais lena n-áirítear cruthúnas éigeandála is féidir a dheimhniú.

A luaithe is a bheidh iarratas ar phas curtha isteach, ní féidir táille bhreise a íoc chun dlús a chur faoi iarratas.

Chun príobháideacht agus slándáil na foirne agus na háiseanna a chinntiú, ní féidir le Seirbhís na bPasanna glacadh le haon cineáil gléasanna rianaithe leictreonacha (cosúil le Apple AirTags, Tiles, clibeanna GPS eile srl.). Má fhaightear gléas rianaithe tríd an bpost le hiarratas nó rud ar bith eile, beidh sé seolta láithreach le bheith scriosta agus ní féidir é a sheoladh ar ais go dtí an seoltóir. Déan cinnte, le do thoil, nach bhfuil aon gléasanna rianaithe curtha san áireamh i d'iarratas toisc nach mbeidh sé seolta ar ais chugat.

Bíonn tionchar ag éileamh de réir séasúir ar na hamanna comhlánaithe. Lean ort ag rianú d’iarratais ar líne.

Má chruthaigh an rianú pas teachtaireacht rabhaidh duit, ciallaíonn sé sin go bhfuil fadhb éigin le d’iarratas ar phas (mar shampla, níl dóthain cáipéisí tacaíochta ag gabháil leis).

Nuair a tharlaíonn sé sin, seolfar litir chugat agus tabharfar cuntas ar an deacracht agus na céimeanna a chaithfidh tú a ghlacadh ionas go leanfar in athuair le d’iarratas.

I gcásanna áirithe, tógann sé idir cúig agus deich lá oibre go mbeidh an t-iarratas le feiceáil ar an rianú pas.

B’fhéidir go mbeimis in ann í a fháil duit. Téigh i dteagmháil le Seirbhís na bPasanna agus tabhair d’ainm díreach mar atá sé ar d’iarratas, do dháta breithe, sloinne do mháthar, seoladh agus UPSP.

Ní thiocfaidh aon athrú ar do spriocdháta eisiúna, ach beidh faisnéis faoi stádas d’iarratais le feiceáil faoin mbarra dul chun cinn.

Má tá fadhb le d’iarratas, rachaimid i dteagmháil leat.

Is seirbhís poist é Seirbhís na bPasanna Poist. Déanfaimid nóta de d’iarratas ach nílimid in ann a dheimhniú gur féidir do phas a bhailiú.

Tabhair faoi deara nach oifig phoiblí í saoráid táirgthe Bhaile Brigín agus nach n-éascaítear bailiúcháin ag an láthair seo.

Is í an Ambasáid/Chonsalacht a dhéanann an chéad mheasúnú ar d’iarratas.

A luaithe is a fhaightear amach go bhfuil tú incháilithe seolfar d’iarratas go hÉirinn lena phróiseáil agus is é ansin amháin a dhéantar é a thaifeadadh ar ár gcóras rianaithe.

Go dtí go mbeidh sé le feiceáil ar an gcóras rianaithe, ba cheart aon iarratais ar nuashonrú a dhéanamh tríd an Ambasáid/gConsalacht inar chuir tú isteach d’iarratas.

Má chuir tú d’iarratas isteach ag oifig na bpasanna i Sráid an Mhóta, i mBaile Átha Cliath nó i gCorcaigh, féadfaidh tú duine a ainmniú chun é a bhailiú ar do shon.

Ní mór dó litir shínithe a thabhairt leis uaitse ag údarú dó an pas a bhailiú agus a aitheantas grianghraif féin freisin.