Téarmaí agus Coinníollacha maidir leis an tSeirbhís Pas Ar Líne a Úsáid

Is é an Roinn Gnóthaí Eachtracha agus Trádála a dhéanann an tseirbhís Pas Ar Líne a óstáil agus a rialú. Meastar gur ghlac úsáideoirí na seirbhíse Pas ar Líne leis na Téarmaí agus Coinníollacha sin.

Déanfaidh an Roinn Gnóthaí Eachtracha do chárta creidmheasa/dochair a chur do dhochar ar dháta d’iarratais, ach amháin má chuirtear a mhalairt in iúl. Ní mór do shealbhóirí cárta a bheith os cionn 18 mbliana d’aois. Glactar leis na cártaí seo a leanas - Diners Club International, American Express, Maestro, Visa, MasterCard.

Aisíocfar d’íocaíocht mura n-éiríonn le d’iarratas ar phas. Déanfar aisíocaíocht freisin má roghnaíonn tú d’iarratas ar phas a chur ar ceal.

Tá an Roinn Gnóthaí Eachtracha freagrach as d’iarratas a phróiseáil agus gealltar an méid sin a dhéanamh go tráthúil a luaithe a fhaightear foirm a comhlánaíodh i gceart agus na doiciméid tacaíochta riachtanacha. Tá faisnéis maidir lenár n-amanna comhlánaithe reatha ar fáil anseo.

Ba cheart duit na doiciméid tacaíochta riachtanacha a chur isteach a luaithe agus is féidir i ndiaidh duit iarratas Pas Ar Líne a dhéanamh. Mura gcuireann tú na doiciméid tacaíochta riachtanacha nó cearta isteach, d’fhéadfadh an tSeirbhís Pasanna teagmháil a dhéanamh leat trí ríomhphost chuig an seoladh ríomhphoist a chuir tú ar fáil le linn an phróisis iarratais ar phas ar líne chun a mheabhrú duit go bhfuil na doiciméid iarrtha fós le seoladh.

Más rud é, laistigh de 20 seachtain ón dáta a rinneadh an t-iarratas ar Pas Ar Líne, nár cuireadh isteach na doiciméid tacaíochta riachtanacha nó cearta, d’fhéadfaí go mbeidh ar Sheirbhís na bPasanna dul ar aghaidh agus cinneadh a dhéanamh ar bhonn an iarratais a cuireadh isteach.

D’fhéadfaí diúltú a bheith mar thoradh ar an gcinneadh sin ar an bhforas nár sheol an t-iarrthóir na doiciméid tacaíochta riachtanacha don iarratas atá riachtanach chun cloí le téarmaí Acht na bPasanna 2008, arna leasú.

Tá an t-ábhar ar an láithreán seo faoi réir chóipcheart an Rialtais de réir an Achta Cóipchirt agus Ceart Gaolmhar, 2000. Is féidir an t-ábhar a íoslódáil chuig comhad nó a phriontáil le haghaidh úsáid phearsanta agus sin amháin. Sa chás go n-eisítear an t-ábhar seo ar dhaoine eile, ní mór aitheantas a thabhairt don fhoinse (lena n-áirítear an URL) agus don stádas cóipchirt.

Ní théann an cead chun ábhar cóipchirt an Rialtais a thaispeáint chomh fada le haon ábhar ar an láithreán seo ar le tríú páirtí é. Ní mór údarú a fháil ó na sealbhóirí cóipchirt lena mbaineann chun ábhar den sórt sin a thaispeáint.

Is mar threoir faisnéise amháin a chuirtear ábhar na leathanach seo ar fáil. Tá siad beartaithe cur le rochtain an phobail ar fhaisnéis faoin Rialtas agus a Ranna.

Cé go ndéantar gach iarracht agus ábhar á ullmhú lena fhoilsiú, ní ghlacann an Stát freagracht ar bith ná ní ghlactar freagracht ar bith thar a cheann as aon earráid, easnamh ná ráiteas míthreorach ar na leathanaigh seo nó ar láithreán ar bith a bhfuil nasc ar bith ag na leathanaigh seo chuige.

Cé go ndéantar gach iarracht a chinntiú go bhfuil na láithreáin ar an liosta iontaofa, ní féidir glacadh leis sin mar fhormhuiniú ar na láithreáin sin.

Léigh beartas príobháideachta Sheirbhís na bPasanna.

Déanaimid gach iarracht ábhar a sheiceáil agus a thástáil ag gach céim den táirgeadh. Is críonna an rud é clár frithvíreas a rith ar gach ábhar a íoslódáiltear ón Idirlíon.

Ní féidir linn freagracht ar bith a ghlacadh as caillteanas, cur isteach nó damáiste do do shonraí, ná do chóras ríomhaire a d’fhéadfadh tarlú agus tú ag úsáid ábhar a fuair tú ón suíomh gréasáin seo.

Tháinig éifeacht leis an Acht um Shaoráil Faisnéise (FOI) an 21 Aibreán 1998 agus leasaíodh é an 14 Deireadh Fómhair 2014. Faoin FOI, tá an ceart ag gach duine:

• rochtain a fháil ar fhaisnéis atá i seilbh Roinn Rialtais nó comhlachtaí poiblí áirithe;
• go gceartófar faisnéis phearsanta a bhaineann leat agus atá i seilbh Roinn Rialtais nó comhlachtaí poiblí áirithe sa chás go bhfuil sí míchruinn, neamhiomlán nó míthreorach; agus
• cúiseanna a fháil ar chinntí a dhéanann Roinn Rialtais nó comhlachtaí poiblí áirithe sa chás go mbaineann an cinneadh leat.

Chun tuilleadh faisnéise ar do chearta faoin Acht um Shaoráil Faisnéise a fháil, tabhair cuairt ar www.foi.gov.ie.