Coinne phráinneach chun pas a athnuachan

Ní féidir usáid a bhaint as an tSeirbhís aon lae má:

• Is iarratasóir céaduaire duine fásta thú.
• Is mian leat an t-ainm ar do phas a athrú ar chúis éigin.
• Eisíodh do phas is déanaí breis is 15 bliain ó shin.
• Is iarratasóir gnó thú.

Ní féidir an tseirbhís chomhlánaithe ceithre nó cúig lá a usáid má;

• Is iarratasóir céaduaire duine fásta thú.
• Eisíodh do phas is déanaí breis is 15 bliain ó shin.
• Is iarratasóir gnó thú.

I gcás iarratais athnuachana do dhaoine fásta, beidh na nithe a leanas ag teastáil uait;

• Ceithre ghrianghraf pas comhionanna, tógtha níos lú ná sé mhí ó shin.
• Do phas Éireannach is déanaí, muna bhfuil sé caillte nó goidte.
• Má tá do phas is déanaí caillte / goidte, tabhair aitheantais fótagrafach agus aitheantais ainm leat.

Má bhaineann tú úsáid as an tseirbhís ceithre lá, glactar le hathrú ainm i gcásanna áirithe ar nós; pósadh, páirtnéireacht shibhialta, colscaradh, scaradh nó órdú cuirte. Sna cásanna seo, tá seans go mbeidh ort tuilleadh doiciméad a thabhairt leat chuig do choinne.

Bailiuchán

Más mian leat go mbaileoidh duine eile do phas nua do dhuine fásta, caitheann sé litir údaraithe sínithe agat a thabhairt leis agus aitheantais fótagrafach pearsanta a bheith aige.

Ní féidir úsáid a bhaint as an tseirbhís coinne athnuachana má:

• -Más iarratasóir céaduaire é/í do pháiste.
• -Má theastaíonn uait ainm do pháiste a athrú ar a phas ar chúis éigin
• -Má eisíodh pas do pháiste níos mó ná 15 bliain ó shin.
• -Más iarratasóir gnó é/í do pháiste

Chun úsáid a bhaint an an tseirbhís athnuachana aon lae do iarratas athnuachana linbh, beidh na nithe seo a leanas ag teastáil uait:

• Ceithre ghrianghraf pas comhionanna, tógtha níos lú ná sé mhí ó shin.
• An pas Éireannach is déanaí atá ag do leanbh, sé sin, muna bhfuil sé caillte nó goidte.
• Rochtain ar phrintéir.
• Coinne eagraithe in ainm an pháiste.
• An Fhoirm Aitheantas agus Toilithe Do Phas Páiste , comhlánaithe agus le duine mar fhinné ar shiniú na foirme
• Beidh ort an fhoirm seo a íoslódáil le priontáil nuair atá coinne comhlánaithe aon lae do pháiste á eagrú agat. Beidh an fhoirm seo ar fáil le híoslódáil nuair a bheidh an coinne á déanamh agat agus beidh sí sa ríomhphost deimhnithe a gheobhaidh tú.
• Caitheann na caomhnóirí ar fad a bheith i láthair ag an gcoinne lena bPas féin nó aitheantas grianghraf eile eisithe ag an Rialtas.
• Caitheann an páiste a bheith i láthair ag an gcoinne.
• Bunteastas breithe fada do pháiste.

Chun úsáid a bhaint an an tseirbhís athnuachana ceithre nó cúig lá do iarratas athnuachana linbh, beidh na nithe a leanas ag teastáil uait:

• Ceithre ghrianghraf pas comhionanna, tógtha níos lú ná sé mhí ó shin.
• An pas Éireannach is déanaí atá ag do leanbh, sé sin, muna bhfuil sé caillte nó goidte.
• Rochtain ar phrintéir.
• Coinne eagraithe in ainm an pháiste.
• An Fhoirm Aitheantais agus Toilithe do Phas Páiste, comhlánaithe agus le duine mar fhinné ar shiniú na foirme. Seolfaimid an fhoirm trí ríomhphost chugat le priontáil faoi mheán lae an lá roimh do choinne (ar a dhéanaí).
• Caithfear caomhnóir amháin ar a laghad a bheith i láthair ag an gcoinne lena phas féin nó aitheantas fótagrafach eile eisithe ón rialtas.
• Ní chaitheann an páiste a bheith i láthair ag an gcoinne.
• Bunteastas breithe fada do pháiste

Caomhnóireacht

• Éilitear toiliú na gcaomhnóirí ar fad le haghaidh gach iarratas ar phas do pháistí. Breis eolais ar chaomhnóireacht agus toiliú.

Caomhnóirí Aonair

• Caitheann Caomhnóirí Aonair Mionscríbhinn Caomhnóra Aonair a chomhlíonadh i láthair dlíodóra / coimisinéir mionna. Caithfear Teastas Breithe Fada Bunaidh a bheith ag an gcaomhnóir atá sínithe agus nótáilte le notaire mar atá leirithe sa Mhionnscribhinn.

Bailiúchán

Mas mian leat go mbaileoidh duine eile, cé nach caomhnóir é, pas nua do pháiste a bhailiú, tá dualgas ort litir údaraithe sínithe ag caomhnóirí an pháiste a sholáthair agus aitheantais fótagrafach pearsanta an bhailitheora a léiriú.

Tá iarratais chéaduaire casta toisc go bhfuil gá teidlíocht do shaoránacht Éireannach a bhunú. Caithfidh Seirbhís na bPasanna freisin toiliú a dhearbhú ó gach caomhnóir atá ag an leanbh chun pas a eisiúint do leanbh.

Tá na cásanna sin ró-chasta le próiseáil ag cuntar poiblí. Baineann castacht ar leith leis na hiarratais ó leanaí a rugadh in Éirinn tar éis 2004 a phróiseáil mar gheall ar an ngá atá ann teidlíocht do shaoránacht Éireannach a fhíorú.

Is féidir leat coinne a chur in áirithe má tá iarratas curtha isteach agat ag baint úsáide as Pas ar Líne. Áfach, nuair a chuirtear iarratas ar aghaidh tríd an bpróiseas teidlíochta, tá seans nach mbeidh Seirbhís na bPasanna ábalta coinne a éascu agus cuirfear an coinne ar ceall dá bharr agus déanfar aisíocaíocht ar an táille. Ní féidir linn na doiciméid a sheol tú chugainn mar thacaíocht le do hiarratas Pas ar Líne a chur le do iarratas ar Sheirbhís Coinne Práinneach.

Tabhair na doiciméid tacaíochta riachtanacha in éineacht leat, más gá. Muna bhfuil na doiciméid riachtanacha agat, tá seans nach mbeimid ábalta do phas a eisiúint.

Munar féidir leat freastal ar do choinne a thuilleadh, is féidir í a chur ar ceal suas le 24 uair a chloig roimh an gcoinne. Tá nasc sa ríomhphost deimhnithe a fuair tú chun do choinne a chur ar ceal.

Má bhí do choinne mar chuid de roinnt áirithe, cuirfear na háirithe go léir ar ceal má chuirtear coinne amháin ar ceal.

Ní féidir leat coinne a athrú. Munar féidir leat freastal ar do choinne a thuilleadh, ní mór duit í a chur ar ceal agus coinne nua a chur in áirithe. Aisíocfar na coinní uile a cuireadh ar ceal.

Níl aon fhianaise ag teastáil uainn maidir le práinn an cháis.

Leanfaimid de bheith ag próiseáil pasanna ar an lá céanna i gcásanna méala nó cásanna ina bhfuil riachtanas leighis tromchúiseach i gceist. Ceanglaítear leis sin doiciméid tacaíochta ag brath ar an gcás agus níl ach gá leis an táille pas sna cásanna sin.

Téigh i dteagmháil le Mol na Seirbhísí do Chustaiméirí má tá pas ag teastáil uait i gcás éigeandála.