An chéad phas a fháil do leanbh

Caithfidh a bpas féin a bheith ag leanbh faoi bhun 18 mbliana d'aois chun taisteal.

Mura raibh pas ag do leanbh riamh roimhe seo, nó má eisíodh a phas deireanach níos mó ná 15 bliana ó shin, ní mór duit iarratas a dhéanamh thar a cheann mar iarratasóir céaduaire.

D'fhéadfá iarratas a dhéanamh ar chéad phas do linbh ar líne.

Tá pasanna do leanaí bailí ar feadh cúig bliana.

Tá treoir ar leith ann má tá pas linbh á athnuachan​ agat.

Chun iarratas a dhéanamh ar chéad phas do linbh ag baint úsáide as Pas Ar Líne, beidh na nithe seo a leanas ag teastáil uait:

• grianghraf digiteach ​atá ag teacht le treoirlínte na ngrianghraf​
• cárta creidmheasa nó dochair
• seoladh ríomhphoist
• rochtain ar phrintéir
• doiciméid tacaíochta bhreise

Conas treoirlínte grianghraf a chomhlíonadh

Inseoidh an t-iarratas ar líne duit na doiciméid is gá duit a chur isteach tar éis duit iarratas a dhéanamh.

Is féidir leat ár dtreoir a léamh freisin maidir leis na doiciméid is gá duit a chur isteach más rud é go bhfuil an leanbh ina:

• iarratasóir céaduaire a rugadh ar oileán na hÉireann
• iarratasóir céaduaire a rugadh thar lear

Mar chuid den iarratas ar líne, iarrfar ort foirm Aitheantais agus Thoilithe a phriontáil.

Ní mór toiliú gach caomhnóir an linbh a dhearbhú ar an bhfoirm seo agus ní mór féiniúlacht an linbh a fhíorú .

Finnéithe

Ní mór do gach caomhnóir an chuid toilithe den fhoirm a shíniú i bhfianaise finné iomchuí. Inseoidh an fhoirm duit cén finné atá ag teastáil.

Caithfidh duine amháin ar a laghad de na caomhnóirí a bheith in éineacht leis an leanbh le finné iomchuí chun an chuid Aitheantais den fhoirm a chomhlánú.

Féach ár dtreoir maidir le caomhnóireacht agus toiliú agus ár dtreoir maidir le d'iarratas a fhianú le haghaidh tuilleadh eolais.

Fís-treoir maidir le caomhnóireacht agus toiliú

Má rugadh do leanbh thar lear, léigh ár dtreoir maidir leis na doiciméid a theastaíonn uait agus iarratas ar chéad phas á dhéanamh.

Braitheann costas do phas ar an mbealach a ndéanann tú iarratas air.

Nuair a dhéanann tú iarratas ag baint leas as Pas Ar Líne:

• pas caighdeánach 5 bliana do leanbh: €20

Tá táille phoist bhreise €5 i gceist le gach iarratas do leanbh chun an costas a bhaineann le cáipéisí a sheoladh ar ais chuig an iarratasóir a chlúdach. Is é €15 an táille phoist má tá cónaí ort lasmuigh d'Éirinn.

Léigh liosta iomlán na dtáillí pas.

Na hamanna eisiúna

Seiceáil na hamanna eisiúna reatha chun an fhaisnéis is déanaí a fháil.

An tseirbhís rianaigh do Phas

Is féidir leat stádas d'iarratais ar líne a sheiceáil leis an an tseirbhís rianaigh do phas.

Is é Pas Ar Líne an bealach is tapúla chun do phas a fháil.

Má tá tú ag maireachtáil in Éirinn nó i dTuaisceart na hÉireann, agus muna mian leat iarratas ar líne a dhéanamh, is féidir iarratas a dhéanamh ag baint úsáide as an tSeirbhís Cúnaimh Pas.

In Éirinn agus Tuaisceart na hÉireann, caithfear iarratais páipéir a dhéanamh tríd an Seirbhís Pas Poist.

Léigh tuilleadh faoin gcaoi ar féidir leat dul i dteagmháil le Seirbhís na bPasanna nó féach tuilleadh treoracha maidir le hiarratas a dhéanamh ar ár mol eolais.