Conas is féidir linn cabhrú leat
Más rud é go bhfuil cás éigeandála agat agus tú thar lear, tá ár bhfoireann consalachta sásta gach cúnamh a thabhairt duit. Is cóir duit a bheith ar an eolas, áfach, go bhfuil teorainneacha ann don chúnamh atá ar fáil duit.
Táimid in ann
- Pasanna/cáipéisíocht taistil éigeandála a eisiúint (más ann do chritéir ar leith).
- Comhairle agus tacaíocht a chur ar fáil duit i gcás timpiste, trombhreoiteachta nó báis.
- Cabhrú le teagmháil a dhéanamh le póilíní áitiúla nó údaráis eile, go háirithe má bhíonn bac teanga i gceist.
- Dul i dteagmháil le do theaghlach nó cairde ar do shon.
- Cuairt a thabhairt ort sa phríosún má choimeádtar thú.
- Airgead a chur ar aghaidh chugat i gcás éigeandála ar an gcoinníoll go bhfuil an méid a iarrann tú lóisteáilte roimh ré linn ag na hoifigí i mBaile Átha Cliath nó Corcaigh nó ag Stáisiún Gardaí.
- Liosta a chur ar fáil de dhlíodóirí, dochtúirí nó ateangairí sa tír a labhraíonn Béarla.
- Liosta d’adhlacóirí áitiúla a chur ar fáil i gcás báis.
Ar Ais go Barr
Ní féidir linn
- Comhairle dhlí nó leighis a chur ar fáil.
- Iarratas a dhéanamh thú a scaoileadh ó choimeád nó iarratas a dhéanamh go gcaithfear go fabhrach leat agus tú faoi choimeád.
- Íoc as cuairt do ghaolta/chairde ort agus tú sa phríosún.
- Páirt a ghlacadh i ndíospóidí tráchtála ar do shon.
- Páirt a ghlacadh ar aon bhealach sna próisis dhlíthiúla i dtír eile.
- Íoc as do bhillí leighis nó dlí (fiú ar bhonn sealadach).
- Airgead a chur ar aghaidh chugat (seachas mar atá luaite thuas).
- Déileáil le do chomhlacht árachais ar do shon.
Ar Ais go Barr