TravelWise: Ceacht OSPS
Cuireann an ceacht seo cur chuige cliste, eolasach chun cinn maidir le taisteal i measc daoine fásta óga. Cabhraíonn na hacmhainní oideachais seo do mhúinteoirí, do thuismitheoirí agus do mhic léinn le daoine óga ullmhú agus fanacht sábháilte agus iad ag taisteal thar lear den chéad uair nó go neamhspleách.
Tá sé mar aidhm ag an gceacht feasacht a mhúscailt ar an réimse comhairle taistil agus faisnéise atá cothrom le dáta a chuireann an Roinn Gnóthaí Eachtracha (RGA) agus Trádála ar fáil, chomh maith leis an gcúnamh consalachta is féidir le saoránaigh na hÉireann a fháil má tá deacrachtaí acu thar lear.
Réamhrá
Tá muintir na hÉireann ag taisteal thar lear níos mó anois ná riamh. Tá an chuid is mó dá dturais thar lear saor ó strus agus baineann siad taitneamh as gan eachtra.
Mar sin féin, ba mhaith linn spreagadh a thabhairt dár ndaoine óga go háirithe, a mbeidh go leor acu ag taisteal thar lear go neamhspleách den chéad uair, a bheith ullmhaithe, eolasach agus fios a bheith acu cá háit ar féidir leo leas a bhaint as ár seirbhísí Cúnaimh Consalachta má theastaíonn siad uathu. I mbeagán focal, a bheith TravelWise.
Leathnaíonn taisteal thar lear do chuid spéiseanna agus méadaíonn sé do thuiscint ar an domhan. Tugann an ceacht seo, tionscnamh nua de chuid na Roinne Gnóthaí Eachtracha, ár gcomhairle taistil agus ár gCúnamh Consalachta isteach i seomraí ranga ar fud na tíre den chéad uair.
Gníomhaíochtaí sa seomra ranga do scoláirí OSPS na sraithe sinsearaí
Féach ar acmhainní ceachta do mhúinteoirí mar chuid dár gclár Ullmhúcháin Taistil Chliste TravelWise atá dírithe ar thaistealaithe fásta óga.
Thíos is féidir leat teacht ar ghníomhaíochtaí a d’fhéadfadh a bheith mar bhunús ceachtanna TravelWise i seomraí ranga OSPS na sraithe sinsearaí, chun cabhrú lena chinntiú go dtuigeann mic léinn agus go bhfuil siad ar an eolas faoi phríomhleideanna maidir le taisteal cliste agus eolasach.
Ullmhúchán agus comhairle maidir le taisteal cliste
Buneolas a thabhairt do mhic léinn ar obair cúnaimh consalachta na Roinne Gnóthaí Eachtracha.
Cad atá le fios sula dtéann tú
Mic léinn a spreagadh chun smaoineamh ar ullmhú le haghaidh taistil thar lear.
Staidreamh TravelWise
Cuidiú le mhic léinn fadhbanna a d’fhéadfadh tarlú agus iad ag taisteal go hidirnáisiúnta a scrúdú.
An Chairt um Chúnamh Consalachta
Eolas a chur ar mhic léinn maidir leis na cineálacha cúnaimh chonsalaigh atá ar fáil má bhíonn deacrachtaí acu agus iad ag taisteal thar lear.
Fíricí Fánacha TravelWise
Eolas agus tuairimí na mac léinn a thomhas maidir le comhairle taistil idirnáisiúnta.
Cás-staidéir TravelWise
Pléigh cás-staidéir inar theastaigh cúnamh consalachta thar lear ó thaistealaithe óga Éireannacha.
Príomhtheachtaireachtaí TravelWise
Teagmháil a dhéanamh le mhic léinn chun machnamh a dhéanamh ar na príomhtheachtaireachtaí taistil ar cheart dóibh a bheith ar an eolas fúthu agus iad ag taisteal go neamhspleách thar lear.
