Maoiniú inbhuanaithe

Tá an Roinn Gnóthaí Eachtracha tiomanta a bheith ag tacú le samhlacha maoinithe inbhuanaithe sa Chlár Tacaíochta Eisimirceach (ESP).

Baineann maoiniú inbhuanaithe leis an inmharthanacht leanúnach agus fhadtéarmach a bhíonn ag eagraíocht a chinntiú. Tá i bhfad níos mó i gceist le hinbhuanaitheacht ná go leor airgid a fháil ó mhaoinitheoirí. Éilíonn sé pleanáil éifeachtach agus bainistíocht airgeadais láidir. Tuiscint a fháil ar na deiseanna maoinithe agus ioncaim atá ar fáil agus a bheith toilteanach iad sin a éagsúlú nuair is féidir.

Ó thaobh na Roinne Gnóthaí Eachtracha de, is éard atá i gceist le maoiniú inbhuanaithe ná a chinntiú nach n-éiríonn eagraíochtaí chomh spléach sin ar an CTE mar fhoinse mhaoinithe.

Is mian leis an Roinn Gnóthaí Eachtracha poist tuarastail ag éirí ró-spléach ar mhaoiniú CTE a sheachaint.

Go ginearálta, déanann muid iarracht gan tacú le 100% de chostais tuarastail. Cé go ndéantar gach iarratas a mheas ar a bhuanna áirithe, measann muid gur uasteorainn chuí é maoiniú de 80% a chur i dtreo aon tuarastal ar leith i bhformhór na gcásanna.

Admhaíonn an Roinn Gnóthaí Eachtracha go mbeidh cásanna ann ina bhféadfadh costas poist méadú. I gcásanna, ina bhfuil arduithe tuarastail sonraithe, agus ina lorgaítear maoiniú do thuarastail, ba cheart cás gnó láidir a dhéanamh mar chuid den iarratas.

Ba cheart go mbeadh tiomsú airgid ina chuid lárnach d'obair eagraíochta. Meastar eagraíochtaí a bhfuil straitéisí tiomsaithe airgid rathúla i bhfeidhm acu go fabhrach.

Tá sé úsáideach más féidir leat do ghníomhaíochtaí tiomsaithe airgid a léiriú mar chuid de d'iarratas. Is féidir é seo a bheith i bhfoirm:

• méadracht shoiléir maidir le hiarratais ar mhaoiniú
• cás-staidéir chun tacaíocht an phobail a mhealladh
• sonraí maidir le himeachtaí tiomsaithe airgid a thugann cliaint agus deontóirí le chéile.

Ba cheart don bhord agus don fhoireann bainistíochta straitéisí agus spriocanna tiomsaithe airgid a fhorbairt agus monatóireacht a dhéanamh orthu. Ba cheart na nithe seo a leanas a áireamh iontu:

• cothromaíocht chuí idir foinsí éagsúla ioncaim mhaoinithe e.g. maoiniú institiúideach vs tiomsú airgid poiblí
• modhanna tiomsaithe airgid atá oiriúnach don eagraíocht
• spriocanna agus gníomhartha réalaíocha tiomsaithe airgid chun tacú lena ngnóthachtáil.

Tá sé tábhachtach go mbeadh iliomad foinsí maoinithe agat.

Trí mhaoiniú a éagsúlú agus líon na bhfoinsí maoinithe a mhéadú, laghdaítear riosca agus spleáchas ar aon mhaoinitheoir amháin.

Tá éagsúlú ríthábhachtach d'inbhuanaitheacht eagraíochta agus breathnaítear air ar mheasúnuithe iarratais fabhracha CTE.