Ceisteanna Coitianta CTE

Maoiníonn an Clár Tacaíochta Eisimirceach tionscadail a chabhraíonn linn cuspóirí Straitéis Diaspóra 2020 -2025 an Rialtais a bhaint amach.

D'áireofaí leis seo tionscadail nua agus nuálacha:

• a chosnaíonn dínit, folláine agus leas na n-eisimirceach Éireannach
• a neartaíonn naisc lenár ndiaspóra
• a dhéanann teagmháil leo siúd nach bhfuil chomh ceangailte sin lenár líonraí atá ann cheana
• tionscnaimh dhigiteacha, bealaí nua chun naisc a chothú agus tacaíocht a thabhairt do dhaoine leochaileacha.

Mar threoirlíne ghinearálta, ní mór iarratais a dhéanamh faoi na catagóirí seo a leanas:

Oidhreacht

Tionscadail a chuireann oidhreacht agus féiniúlacht na hÉireann chun cinn thar lear. Áirítear leis sin na nithe seo a leanas ach níl sé teoranta do:

• Cláir agus féilte ealaíon, ceoil agus cultúrtha na hÉireann (ionaid ar cíos, poiblíocht agus costais bhonneagair)
• tionscadail a chuireann braistint níos láidre d’fhéiniúlacht na hÉireann chun cinn
• tionscadail for-rochtana cultúrtha agus oidhreachta do scoileanna agus do ghrúpaí pobail. Go háirithe, tionscadail a dhéanann teagmháil le hÉireannaigh den chéad ghlúin agus de na glúnta ina dhiaidh.
• tionscadail oideachais a chuireann cultúr, oidhreacht agus féiniúlacht na hÉireann chun cinn.

Leas (Daoine Aosta)

Tionscadail atá dírithe go sonrach ar thacaíocht a thabhairt do na baill níos sine de phobal na hÉireann. Áirítear leis sin na nithe seo a leanas ach níl sé teoranta do thionscadail:

• a éascóidh rochtain ar sheirbhísí reachtúla agus deonacha ina dtír chónaithe d’imircigh Éireannacha
• a chuireann seirbhísí leasa tosaigh ar fáil lena n-áirítear seirbhísí comhairleacha, comhairleoireachta, tacaíochta meabhairshláinte, abhcóideachta, eolais agus for-rochtana
• a chuirfidh feabhas le leas agus folláine na mball is leochailí dár bpobal. Áirítear daoine ó phobal Lucht Siúil na hÉireann leis seo agus iad siúd a bhfuil riachtanais chasta acu
• a laghdóidh aonrú sóisialta a bhaineann le daoine aosta na hÉireann. Féadfaidh CTE maoiniú a chur ar fáil i dtreo na gcostas a bhaineann le clubanna lóin rialta do dhaoine aosta na hÉireann. D’fhéadfadh iad seo a bheith d’ionaid ar cíos, do chostais bhia agus ranníocaíochtaí féideartha do chostais iompair do bhaill nach bhfuil chomh cumasach sin. Déanfar breithniú freisin ar iarratais ar mhaoiniú na gcostas iompair a bhaineann le turais shóisialta a tharlaíonn ó am go chéile.

Leas (Eile)

Tionscadail lena mbaineann soláthar seirbhísí leasa ar an líne thosaigh, lena n-áirítear seirbhísí comhairleacha, comhairleoireachta, faisnéise agus for-rochtana. Áirítear leis sin na nithe seo a leanas ach níl sé teoranta do:

• thionscadail a chabhróidh le heisimircigh Éireannacha nua a imeascadh lena bpobal nua
• thacaíocht do phobail na hÉireann atá i gcásanna géarchéime i gceantair atá i bhfad go tíreolaíoch ón Ambasáid nó Consalacht is gaire
• thaighde ar na riachtanais a bhaineann le pobal eisimirceach na hÉireann.

Líonraí gnó

Tionscadail a thacaíonn le, a fhorbraíonn agus a chothaíonn líonraí gnó, gairmiúla, pobail agus ealaíon na hÉireann thar lear. Áirítear leis sin na nithe seo a leanas ach níl sé teoranta do:

• chostais a bhaineann le hionaid ar cíos agus le poiblíocht d'imeachtaí líonraithe
• thionscnaimh spriocdhírithe diaspóra a léiríonn feabhas na nasc idir pobail Éireannacha agus Éire chun leasa an dá thaobh go soiléir
• thionscadail a mheasann an tAonad um Éireannaigh thar lear agus/nó an Ambasáid/Consalacht áitiúil go bhfuil tionchar dearfach acu ar an bpobal a bhfuil sé ag iarraidh freastal air nó ar cháil na hÉireann sa réigiún.

Caipiteal

Tógáil, athchóiriú nó ceannach sócmhainní caipitil a rachaidh chun tairbhe do phobail Éireannacha thar lear. Tá suíomh gréasáin agus tionscadail mhóra dhigiteacha/bhogearraí san áireamh faoin gcatagóir seo freisin.

Tabhair faoi deara, le do thoil go mbeidh an cistiú caipitil a leithdháiltear gach bliain ag brath ar an maoiniú foriomlán atá ar fáil agus ar thosaíocht na dtionscadal a chuirtear isteach.

Ní mór go n-áireofaí trí luachan ar a laghad don chomhlacht oibre atá beartaithe a bheith sna hiarratais ar mhaoiniú caipitil. Ina theannta sin, ba cheart plean tionscadail mionsonraithe, amlíne agus forbhreathnú buiséid a chur leis na hiarratais sin. Ba cheart dóibh sin léiriú go soiléir go bhfuil cuid shuntasach de chostas an tionscadail faighte ó fhoinsí taobh amuigh den CTE.

Tá cistiú caipitil faoi réir coinníollacha breise. Áirítear leis sin aisíocaíocht fhéideartha ar mhaoiniú má dhíoltar sócmhainn laistigh de thréimhse ama shonraithe.

Ní mór iarratais a dhéanamh ar líne tríd an bhfoirm iarratais ar http://www.irishabroadgrants.ie

Ní ghlactar le hiarratais ar chóip chrua nó ar ríomhphost.

Gach bliain sáraíonn an t-éileamh atá ar mhaoiniú an méid maoinithe atá ar fáil. Mar gheall ar an líon mór iarratas, ní féidir deontas a chur ar fáil do gach iarratasóir atá i dteideal maoinithe.

Ba chóir d'iarratasóirí nár éirigh leo smaoineamh ar iarratas a dhéanamh arís i mbabhtaí amach anseo.

Maireann bliain deontais CTE ón 1 Iúil i mbliain ar leith go dtí an 30 Meitheamh an bhliain dár gcionn.

Ba cheart d'eagraíochtaí a fuair maoiniú sa bhabhta deontais tuarascáil ar dhul chun cinn a chur isteach faoin 31 Eanáir.

Teastaíonn tuarascáil deiridh ar dhul chun cinn i mí an Mheithimh ag deireadh na bliana maoinithe.

Ní bheidh eagraíochtaí i dteideal tuilleadh cistithe CTE go dtí go mbeidh tuarascálacha sásúla leagtha isteach acu.

Maireann an tréimhse iarratais don Chlár Tacaíochta Eisimirceach ó lár mhí Eanáir go lár mhí Feabhra gach bliain.

Déantar gach iarratas a mheas bunaithe ar a bhuanna féin.

Ní féidir Maoiniú an Chláir Tacaíochta Eisimirceach a úsáid chun na nithe seo a leanas a mhaoiniú:

• Táillí ealaíontóirí
• Táillí taibheoirí
• Táillí cainteoirí
• Taisteal agus lóistín
• Staidéar nó taisteal pearsanta thar lear
• Aisíoc iasachtaí nó easnamh
• Gníomhaíochtaí polaitiúla páirtithe
• Tionscadail atá bunaithe ar bhonn tráchtála
• Costais a bhaineann le freastal ar imeachtaí Ambasáide nó Consalachta
• Ceannach duaiseanna do chrannchuir
• Táillí ballraíochta d’eagraíochtaí eile a fhaigheann maoiniú ESP
• Ceannach feithiclí
• Pinsin phríobháideacha.

Léigh eolas ar ráitis airgeadais inghlactha ag brath ar ollioncam bliantúil d'eagraíochta.

Is fearr go mór linn nach mbeadh eagraíochtaí ag brath rómhór ar mhaoiniú CTE.

De ghnáth, ní mhaoineodh an Clár Tacaíochta Eisimirceach aon ghníomhaíocht nó tionscadal ar deonaíodh cistí dó ó fhoinse mhaoinithe laistigh den Roinn Gnóthaí Eachtracha.

Ar an gcaoi chéanna, nuair atá Roinn eile de chuid Rialtas na hÉireann ag maoiniú eagraíochta, oibreoimid leis an Roinn sin lena chinntiú nach bhfuil aon dúbláil maoinithe ann.

Braitheann cistiú caipitil a leithdháiltear gach bliain ar an maoiniú foriomlán atá ar fáil agus ar thosaíocht na dtionscadal a chuirtear isteach.

Ní mór go n-áireofaí trí luachan ar a laghad don chomhlacht oibre atá beartaithe a bheith sna hiarratais ar mhaoiniú caipitil. Ina theannta sin, ba cheart plean tionscadail mionsonraithe, amlíne agus forbhreathnú buiséid a chur leis na hiarratais sin. Ba cheart dóibh sin léiriú go soiléir go bhfuil cuid shuntasach de chostas an tionscadail faighte ó fhoinsí taobh amuigh den CTE.

Tá cistiú caipitil faoi réir coinníollacha breise. Áirítear leis sin aisíocaíocht fhéideartha ar mhaoiniú má dhíoltar sócmhainn laistigh de thréimhse ama shonraithe.

Tabhair faoi deara, le do thoil, go bpléitear le suíomhanna gréasáin agus tionscadail mhóra dhigiteacha/bhogearraí mar thionscadail chaipitil.

Go ginearálta, déanann muid iarracht gan tacú le 100% de chostais tuarastail. Cé go ndéantar gach iarratas a mheas ar a bhuanna áirithe, measann muid gur uasteorainn chuí é maoiniú de 80% a chur i dtreo aon tuarastal ar leith i bhformhór na gcásanna.

Tabhair faoi deara, le do thoil, nach féidir costais phinsin phríobháideacha a mhaoiniú faoi CTE.

Ní fhéadfar maoiniú ón gClár Tacaíochta Eisimirceach a chaitheamh ach ar thionscadail nó ar ghníomhaíochtaí a ndearnadh iarratas orthu agus a ceadaíodh. Ar an gcaoi chéanna, ní mór maoiniú a chaitheamh ar an tionscadal tacaithe le linn na bliana a leithdháiltear é. Ní mór do seo a bheith de réir théarmaí agus choinníollacha an chláir.

Ní féidir, i gcás ar bith, cistí a chur i dtreo gníomhaíochtaí eile gan comhaontú i scríbhinn a fháil roimh ré ó Aonad na nÉireannach Thar Lear i gcomhairle leis an Ambasáid nó leis an gConsalacht ábhartha.

Mura gcloítear leis an gcoinníoll maoinithe seo, d'fhéadfadh go n-iarrfadh an Roinn aisíocaíocht ar chistí.

Maireann an bhliain deontais ón 1 Iúil i mbliain ar leith go dtí an 30 Meitheamh an bhliain dár gcionn. Ní mór cistí a chaitheamh laistigh den tréimhse ama seo.

Tabharfar breac-chuntas ar na dátaí baileacha a chaithfear maoiniú CTE a chaitheamh faoi sa Litir Thairisceana a bhaineann le hiarratas rathúil.

Caithfidh caiteachas cistí a bheith de réir na dtéarmaí a leagtar amach sa Litir Thairisceana freisin.

Ní mór d'iarratasóirí aontú go gcloífidh siad le téarmaí agus coinníollacha mionsonraithe an Chláir Tacaíochta Eisimirceach, sular féidir cistí a scaoileadh. Déantar téarmaí agus coinníollacha a bhaineann leo siúd a fhaigheann deontais a chur san áireamh sa Litir Thairisceana a bhaineann le gach deontas. Tá na téarmaí ar fáil ar an gcóras iarratais ar líne chomh maith.

Féadfar coinníollacha breise a chur le deontas ar leith d'eagraíocht. Déanfar iad seo a shonrú sa Litir Thairisceana d'iarratasóir rathúil.

Ní mór cloí go docht le gach téarma agus coinníoll. Mura gcloítear leo d'fhéadfadh nár mhór deontais a aisíoc.

Iarrfar ar eagraíochtaí maoinithe tuarascálacha insinte agus airgeadais a chur ar fáil ina leagfar amach an dul chun cinn ó bronnadh an deontas. Ba chóir dóibh seo mionsonrú a dhéanamh ar an gcaoi ar chabhraigh an deontas le cuid de phríomhchuspóirí an Chláir Tacaíochta Eisimirceach, nó gach ceann acu, a bhaint amach.

Ní mór tuarascálacha insinte agus airgeadais a líonadh ar na teimpléid a chuireann an Roinn ar fáil agus go seolfar isteach iad laistigh den amscála luaite.

Cloífear go docht leis na spriocdhátaí tuairiscithe. Mura gcuirtear tuarascálacha riachtanacha ar fáil laistigh de na hamlínte rachaidh sé in aghaidh aon iarratais a dhéanfar amach anseo. Ní bheidh an eagraíocht i dteideal tuilleadh cistithe CTE go dtí go mbeidh tuarascálacha sásúla leagtha isteach acu.

Tá eolas airgeadais ag teastáil uainn a léiríonn go bhfuarthas an deontas a bronnadh agus gur caitheadh é.

I ngach cás agus i dtuairisciú airgeadais ar bith, ba cheart aitheantas soiléir agus ar leith a thabhairt do mhaoiniú a fhaightear mar: “Rialtas na hÉireann; Clár Tacaíochta Eisimirceach”

I gcomhréir le Ciorclán 13/2014 de Roinn Caiteachais Phoiblí agus Athchóirithe na hÉireann, ní mór do ráitis airgeadais a bhfuil iniúchadh déanta orthu nó cuntais a chuirtear isteach:

• Méid (de réir do Litir Thairisceana) agus téarma (tréimhse) an deontais iomláin a thaispeáint (i.e. 1 Iúil 2022 – 30 Meitheamh 2023 mura ndéantar tréimhse dhifriúil a shonrú).
• Méid an deontais CTE atá san áireamh sna ráitis airgeadais reatha a thaispeáint. Má tá an méid sin níos lú ná méid iomlán an deontais CTE ba cheart duit a chur in iúl an bhfuil nó nach bhfuil srian ar úsáid an deontais agus an chaoi a bhfuil sé srianta. Mar shampla, an mbaineann sé le tionscadal ar leith, nó le seirbhís ar leith a sheachadadh.

Ina theannta sin, de réir na gceanglas atá leagtha amach sa Chiorclán thuasluaite, tá ar eagraíochtaí sonraí a sholáthar maidir le líon na bhfostaithe a bhfuil a sochair iomlána fostaí (gan costais phinsin an fhostóra san áireamh) laistigh de gach banda €10,000 ó €60,000 ar aghaidh, agus figiúr foriomlán le haghaidh ranníocaíochtaí pinsin iomlána an fhostóra. Tá an ceanglas sin i bhfeidhm fiú mura bhfuil tuarastail á maoiniú faoin gClár Tacaíochta Eisimirceach.

Caithfidh. Ní mór do gach eagraíocht aitheantas a thabhairt do mhaoiniú CTE ina gcuntais airgeadais. Ní mór dóibh lógó CTE de chuid Rialtas na hÉireann a thaispeáint ar a suíomh gréasáin chomh maith.

Is féidir an lógó a iarraidh ag am ar bith ón Ambasáid nó ón gConsalacht Éireannach is gaire duit.

Déanann an Clár Tacaíochta Eisimirceach monatóireacht ar a chuid beartas agus nósanna imeachta chun feabhas leanúnach a chur ar an gcaoi a ndéanann sé cistí poiblí a leithdháileadh agus ar an gcaoi a ndéanann sé monatóireacht ar úsáid cistí poiblí.

Tá an rialú cáilíochta sin ríthábhachtach. Cinntíonn sé go mbaintear an luach is fearr agus is féidir ar airgead chomh maith le hinbhuanaitheacht fhadtéarmach an chláir. Tá iniúchtaí agus meastóireachtaí mar bhonn eolais agus mar threoir ag an gclár ó bunaíodh é.

Féadfaidh an Roinn Gnóthaí Eachtracha agus Trádála tabhairt faoi iniúchtaí , nó trí sheirbhísí iniúchóirí neamhspleácha. Féadfaidh siad seo iniúchadh agus moltaí a dhéanamh maidir le:

• an chaoi ar baineadh úsáid as cistí CTE, agus an luach ar airgead a ghabhann leis
• spriocdhíriú na heagraíochta comhpháirtíochta ar príomhthairbhithe nó ar sheirbhísí
• struchtúir rialachais na heagraíochta comhpháirtíochta
• oiriúnacht ghníomhaíochtaí an chomhpháirtí agus ar na bealaí ina bhféadfaí a gcláir a fheabhsú.

Tá gá le measúnuithe rialta ar an spriocdhíriú a dhéantar ar sheirbhísí comhpháirtithe agus ar an úsáid a bhaineann siad as cistí CTE i gcomhthéacs riachtanais na nÉireannach thar lear atá ag forbairt, lena chinntiú go mbeidh an Clár Tacaíochta Eisimirceach éifeachtach agus oiriúnach go fóill dá fheidhm.

Chun éifeachtúlacht agus tionchar a mhéadú, d'fhéadfadh sé go spreagfaí eagraíochtaí comhpháirtíochta atá gar dá chéile go tíreolaíoch chun faisnéis agus/nó seirbhísí a roinnt.

Sa chás go mbaineann eagraíocht mí-úsáid as cistí CTE, go dteipeann uirthi cistí a úsáid chun críche dá deonaíodh iad nó go dteipeann uirthi tuairisciú sásúil a dhéanamh ar an gcaoi ar úsáideadh cistí, glacfaidh an Roinn beart leantach. Áirítear aisíocaíocht na gcistí deontais leis seo.

Caithfear le haon eolas pearsanta a thugtar don Roinn Gnóthaí Eachtracha mar chuid den phróiseas iarratais ar dheontas leis na caighdeáin is airde slándála agus rúndachta, de réir na nAchtanna um Chosaint Sonraí.

Bainfear úsáid as an eolas a chuirtear ar fáil chun críocha measúnaithe agus chun riaradh an Chláir Tacaíochta Eisimirceach a éascú. Déanfaidh an Roinn Gnóthaí Eachtracha, mar rialaitheoir sonraí, an t-eolas a chuirtear ar fáil a stóráil go sábháilte, ag léiriú measa ar an rúndacht a bhaineann leis. Ní nochtfar na sonraí d'aon tríú páirtí, ach amháin nuair is gá sin le haghaidh meastóireachta chun críocha riaracháin CTE.

Tá an t-iarratasóir deontais freagrach as a chinntiú go bhfuil na sonraí go léir a chuirtear isteach mar chuid den phróiseas iarratais cruinn agus cothrom le dáta. Faoi théarmaí na nAchtanna um Chosaint Sonraí, tá ceart rochtana ag eagraíocht an iarratasóra ar shonraí pearsanta atá i seilbh na Roinne Gnóthaí Eachtracha agus Trádála, má tá na sonraí pearsanta atá á gcoimeád ag an Roinn as dáta nó míchruinn, agus tá sé de cheart aici na sonraí sin a cheartú. Is ionann foirm iarratais a chur isteach agus deimhniú a thabhairt gur féidir leis an Roinn úsáid a bhaint as an eolas atá á sholáthar chun na críocha thuasluaite.

Maidir leis sin, ba chóir a thabhairt faoi deara freisin gur comhlacht ainmnithe í an Roinn Gnóthaí Eachtracha agus Trádála faoin Acht um Shaoráil Faisnéise, 2014.

Déantar foráil do chur chun cinn áitiúil na gcluichí Gaelacha lasmuigh d'Éirinn faoi chomhaontú idir an Roinn Gnóthaí Eachtracha agus Ceanncheathrú CLG – Ciste Forbartha na gCluichí Domhanda.

Cuirtear cistí an Chláir Tacaíochta Eisimirceach ar fáil do CLG ar mhaithe le forbairt cluichí ar fud an domhain tríd an gcomhaontú comhpháirtíochta sin. Chun tuilleadh eolais a fháil déan teagmháil le do bhord contae áitiúil nó do bhord tíre [i.e. an t-údarás CLG a dhéanann maoirseacht ar CLG i do cheantar nó i do thír óstach].

Moltar do chlubanna a d’fhéadfadh tionscadail a bheith acu nach bhfuil clúdaithe faoi fhorbairt cluichí ach a bhaineann le cuspóirí CTE teagmháil a dhéanamh lena nAmbasáid nó lena gConsalacht áitiúil ar dtús.

Maidir le leas, tugtar cúnamh deontais do ghníomhaireachtaí leasa pobail Éireannacha go príomha a chuireann seirbhísí comhairle tosaigh ar fáil.

D'fhéadfaí roinnt tacaíochta a thabhairt, áfach, do ghníomhaireachtaí leasa nach gníomhaireachtaí Éireannacha iad a chuireann seirbhís luachmhar ar fáil do líon suntasach cliant Éireannacha.

Tá sé beartaithe ag an maoiniú ó Rialtas na hÉireann rochtain ar mhaoiniú príomhshrutha a éascú, in áit a bheith ar an aon fhoinse mhaoinithe amháin.