Gradaim Scothsheirbhíse an Uachtaráin

Ní féidir ach daoine atá ina gcónaí lasmuigh d’Éirinn a ainmniú don ghradam. Caithfidh:

• Gur thug siad seirbhís den scoth d’Éirinn agus/nó gur chuir siad lena clú ar an gcoigríoch
• Gur chuidigh siad le hÉirinn agus/nó gur chuir siad lena clú idirnáisiúnta agus/nó gur chuidigh siad le pobail Éireannacha ar an gcoigríoch i gcatagóir amháin ar a laghad díobh seo a liostaítear thíos
• Gur thacaigh siad le hÉirinn agus go raibh siad rannpháirteach le hÉirinn agus/nó lena clú idirnáisiúnta agus/nó le pobail Éireannacha ar an gcoigríoch ar feadh cúig bliana ar a laghad, nó gur thug siad seirbhís leanúnach den scoth maidir le ceist mhórthábhachtach dhomhanda nó idirnáisiúnta.

Is iad seo a leanas na catagóirí faoinar féidir daoine aonair a ainmniú:

• Na hEalaíona, Cultúr agus Spórt
• Gnó agus Forbairt Eacnamaíoch
• Obair Charthanachta agus Abhcóideacht
• Gníomhaíocht ar son na hAeráide agus Slándáil Bia
• Oideachas, Eolaíocht, agus Nuáil
• Cuimsiú agus Comhionannas
• Tacaíocht do Phobal Éireannach
• Síocháin, Athmhuintearas, agus Forbairt.

Cé go bhfuil an scéim oscailte do gach duine a chónaíonn ar an gcoigríoch, is ar shaoránaigh Éireannacha, orthu siúd atá i dteideal saoránacht Éireannach agus ar dhaoine de shliocht na hÉireann atá sí dírithe go príomha.

Ní córas onóra atá sa ghradam. Ní thugann sé aon teidlíochtaí dlíthiúla do na faighteoirí ná aon bhuntáistí, lena n-áirítear saoránacht Éireannach.

Is trínár líonra Ambasaidí a dhéantar na hainmniúcháin don ghradam, agus déanann Painéal Ard-Leibhéal iad a bhreithniú. Molann an Painéal suas le deichniúr ar fad ó na hainmniúcháin sin gach bliain.

Mar a luadh thuas, is iad seo a leanas na catagóirí faoinar féidir daoine a ainmniú:

• Na hEalaíona, Cultúr agus Spórt
• Gnó agus Forbairt Eacnamaíoch
• Obair Charthanachta agus Abhcóideacht
• Gníomhaíocht ar son na hAeráide agus Slándáil Bia
• Oideachas, Eolaíocht, agus Nuáil
• Cuimsiú agus Comhionannas
• Tacaíocht do Phobal Éireannach
• Síocháin, Athmhuintearas, agus Forbairt

Cuireann an Painéal a chuid moltaí faoi bhráid an Rialtais lena bhfaomhadh.

Chun go mbeidh ainmnithe incháilithe lena bheith san áireamh, caithfidh a ngnáthchónaí a bheith lasmuigh d’Éirinn agus caithfidh gur féidir leo na ceanglais bhreise seo a leanas a shásamh freisin:

(i) gur thug siad scothsheirbhís don náisiún agus/nó dá chlú ar an gcoigríoch;

(ii) gur chuidigh siad go gníomhach agus go soiléir le hÉirinn agus/nó lena clú idirnáisiúnta agus/nó le pobail Éireannacha ar an gcoigríoch i gcatagóir amháin ar a laghad díobh sin a liostaítear thuas;

(iii) go bhfuil dea-theist orthu as tacaíocht leanúnach d’Éirinn agus as rannpháirtíocht leanúnach léi agus/nó lena cáil idirnáisiúnta agus/nó le pobail Éireannacha ar an gcoigríoch ar feadh tréimhse nach lú ná 5 bliana

(iv) nó gur thug siad scothsheirbhís leanúnach maidir le saincheist thábhachtach dhomhanda nó idirnáisiúnta.

Is féidir le duine ar bith ainmniúcháin a dhéanamh, ach is trí Ambasáid na hÉireann sa tír ina bhfuil cónaí ar an ainmní nó trí Ambasáid na hÉireann a ceapadh don tír sin a chuirtear isteach iad. Má tá aithne agat ar dhuine a shásaíonn na critéir thuas, líon amach Foirm Ainmniúcháin 2026 le do thoil agus cuir ar aghaidh í chuig Ambasáidí Ábhartha na tíre ina bhfuil an t-ainmní ina chónaí, faoin Aoine, 8ú Bealtaine.

Is in Ollscoil Teicneolaíochta an Atlantaigh, Leitir Fraic a dhéantar an gradam, as crua-adhmaid na hÉireann agus ábhair eile a fhoinsítear go háitiúil agus le teicneolaíochtaí nua-aimseartha agus traidisiúnta.

An coincheap

Is é Spear Product Design, stiúideo deartha ildisciplíneach atá lonnaithe i mBaile Átha Cliath, a dhear an gradam, atá bunaithe ar an gcoincheap de dhoras ar oscailt, i dtreo thírdhreach na hÉireann. Cuirtear nádúr fáilteach mhuintir na hÉireann, agus Éire mar náisiún, in iúl leis.

Cuardaigh fís-ghailearaithe ó shearmanais roimhe seo ar YouTube.